lex Republic"-ის რესტორნებსა და საკონფერენციო სივრცეებსაც. 2024 წლის ბოლოს 1,043 თანამშრომელი ჰყავდა. მფლობელები შპს "Silk Real Estate" (88%) და შპს "ივერია ჯგუფი" (12%) არიან, საბოლოო მაკონტროლებელი კი გიორგი რამიშვილის Silk Road Group.
🎯 finSPOT-ზე წარმოდგენილი სამორინეებიდან ყველაზე მსხვილია, თუმცა მასშტაბმა სლოტების ახალი გადასახადისგან ვერ დაიცვა და 2024 წელს EBITDA 21%-ით შემცირდა. მოგებას მესაკუთრეები ძირითადად დივიდენდის სახით კი არა, კომპანიისგან აღებული სესხების სახით იღებენ, რომლებიც შემდეგ დივიდენდის გამოცხადებით იფარება.
📈 შემოსავალი ₾173.6 მლნ (+4.1% წ/წ), 2019-24 წლების CAGR 6.2%. ლაივ თამაშების შემოსავალი 9.5%-ით, ₾91.3 მილიონამდე გაიზარდა, სლოტების კი ₾62.3 მილიონზე გაჩერდა. სამომსახურეო საკომისიო ₾11.0 მილიონი იყო, კვება და სასმელი ₾8.0 მილიონი. სლოტების ზრდა სწორედ იმ წელს შეწყდა, როცა მათ ცალკე გადასახადი დაუწესდა.
📑 2024 წელს შემოსავლის 4%-იანი ზრდის ფონზე EBITDA 21%-ით შემცირდა და ₾38.2 მილიონი შეადგინა, EBITDA მარჟა კი 28.9%-დან 22.0%-მდე ჩამოვიდა. ძირითადი მიზეზი გაზრდილი სათამაშო გადასახადებია, რაც ₾11.8 მილიონიდან ₾25.5 მილიონამდე გაიზარდა. მატება თითქმის მთლიანად ახალ გადასახადს უკავშირდება. 2024 წლის 1 იანვრიდან სლოტების მთლიანი შემოსავალი 15%-იანი განაკვეთით დაიბეგრა და ₾13.6 მილიონი შეადგინა, კვარტალურმა სანებართვო მოსაკრებელმა კი ₾11.9 მილიონი. 2025 წლის 1 იანვრიდან იგივე განაკვეთი 20%-მდე გაიზარდა, ანუ ტვირთი კიდევ მოიმატებს. 22.0%-იანი EBITDA მარჟა finSPOT-ის კაზინოებისა და სათამაშო კლუბების სექტორის 2024 წლის საშუალო შეწონილ მაჩვენებელზე (14.7%) მაღალია.
💵 2019-24 წლებში საოპერაციო ფულადმა ნაკადმა ₾210.7 მილიონი შეადგინა, კაპიტალურმა დანახარჯებმა ₾45.8 მილიონი, თავისუფალმა ფულადმა ნაკადმა (FCFF) ₾179.2 მილიონი, საპროცენტო ხარჯის შემდგომმა თავისუფალმა ფულადმა ნაკადმა (FCF) კი ₾164.9 მილიონი.
💰 2019-24 წლებში კომპანიამ ₾141.0 მილიონის დივიდენდი გამოაცხადა, ფულით კი მხოლოდ ₾6.2 მილიონი გასცა. სხვაობა ფულადი ნაკადების ანგარიშგებაში დივიდენდად არ ჩანს, რადგან განაწილება მესაკუთრეებზე ადრე გაცემული სესხების გაქვითვით მოხდა. იმავე ექვს წელიწადში კომპანიამ დაკავშირებულ მხარეებზე ₾138.1 მილიონი გასცა სესხად და უკან მხოლოდ ₾5.4 მილიონი მიიღო. 2024 წელს გამოცხადებული ₾41.0 მილიონი მთლიანად ამ სესხების გაქვითვას მოხმარდა, წლის ბოლოს კი ამ სესხების ნაშთი ₾26.2 მილიონი იყო, დაფარვის ვადით 2030 წლამდე.
🏦 საბანკო ვალი კომპანიას არ აქვს. მთლიანი ვალი ₾23.6 მლნ მთლიანად საიჯარო ვალდებულებაა, წმინდა ვალი ₾10.1 მილიონი, Net Debt/EBITDA 0.26x, მიმდინარე ლიკვიდურობა 1.50x. კომპანიის წილების 100% დაგირავებულია დაკავშირებული მხარის საბანკო სესხების უზრუნველსაყოფად თიბისი ბანკსა და საქართველოს ბანკში.
📊 2024 წლის ძირითადი მაჩვენებლები:
- შემოსავალი: ₾173.6 მლნ (+4.1% წ/წ)
- ლაივ თამაშები / სლოტები: ₾91.3 მლნ / ₾62.3 მლნ (2023: ₾83.4 მლნ / ₾62.4 მლნ)
- საოპერაციო მოგების მარჟა: 14.5%
- EBITDA: ₾38.2 მლნ
- EBITDA მარჟა: 22.0%
- წმინდა მოგება: ₾29.4 მლნ (მარჟა: 16.9%)
- გამოცხადებული დივიდენდი: ₾41.0 მლნ (2019-24: ₾141.0 მლნ; ფულით გაცემული: ₾6.2 მლნ)
