ეყნის წამყვანი ჯგუფია. საქართველოს გარდა, კომპანია წარმოდგენილია ამიერკავკასიისა და ცენტრალური აზიის ბაზრებზეც. ჯგუფი 30-მდე შვილობილ კომპანიას აერთიანებს და მოიცავს ავტონაწილების, საბურავების, ზეთების, მსუბუქი და სატვირთო ავტომობილების, სპეცტექნიკისა და ავტოსერვისის მიმართულებებს. "თეგეტა" ემსახურება როგორც საცალო, ისე კორპორატიულ და სახელმწიფო კლიენტებს.
📑 2019-25 წლებში "თეგეტას" შემოსავლები 2.7-ჯერ გაიზარდა და 2025 წელს ₾1.72 მილიარდს მიაღწია (CAGR: 18%). ასეთი მასშტაბის კომპანიისთვის ეს მაღალი ზრდის ტემპია, განსაკუთრებით იმის გათვალისწინებით, რომ შემოსავლების ზრდა უმეტესად არსებული არხების გაფართოებით და ბაზრის წილის ზრდით არის განპირობებული და არა აგრესიული M&A-ის მეშვეობით. მართალია, 2022-25 წლებში ჯგუფმა რამდენიმე სტრატეგიული შესყიდვა განახორციელა, მათ შორის "ავტო გალერი", "კავკასუს ავტომოტივი" და ფლიტ-მენეჯმენტის კომპანიები, თუმცა მათი პირდაპირი კონტრიბუცია ჯგუფის მთლიან ზრდაში მცირე იყო.
📑 მომგებიანობა Tegeta-ს მასშტაბისა და მრავალპროფილური მოდელისთვის ჯანსაღია (თუმცა მხოლოდ ავტოდილერობაზე ორიენტირებულ კომპანიებთან შედარებით მარჟები დაბალია). ბოლო ხუთ წელში (2021-25) კომპანიის საერთო მოგების მარჟა საშუალოდ 21% იყო, EBITDA მარჟა 11%-მდე, წმინდა მოგების მარჟა კი 5%-ზე მეტი.
📑 კომპანიის კაპიტალის ეფექტურ გამოყენებაზე ასევე მეტყველებს 19%-იანი Return on Invested Capital (ამონაგები ჩადებულ კაპიტალზე). ეს განსაკუთრებით მნიშვნელოვანია "თეგეტას" მსგავსი ბიზნესისთვის, სადაც მასშტაბი, მარაგები და ფიზიკური ინფრასტრუქტურა მნიშვნელოვან კაპიტალს მოითხოვს.
📑 მასშტაბიდან გამომდინარე, ბალანსზე მოცულობითი ვალიც არის. 2025 წლის ბოლოს მთლიანი სასესხო და საიჯარო ვალდებულებები თითქმის ₾507 მილიონს შეადგენდა. თუმცა ლევერიჯი კომპანიის მასშტაბისა და ფულადი ნაკადების გენერირების უნარის გათვალისწინებით მისაღებ დიაპაზონშია: total debt / EBITDA 2.9x იყო და კომპანია სასესხო თუ ობლიგაციების კოვენანტებს სრულად აკმაყოფილებდა.
📑 ჯანსაღი მომგებიანობა ფულად ნაკადებშიც ითარგმნება, თუმცა მაღალია კაპიტალური დანახარჯების (CapEx) საჭიროებაც. 2021-25 წლებში კომპანიამ ჯამურად ₾560 მილიონამდე საოპერაციო ფულადი ნაკადები გამოიმუშავა, მაგრამ საპროცენტო ხარჯების შემდეგ დარჩენილი თანხა ₾326 მილიონამდე შემცირდა, რაც პრაქტიკულად იმავე პერიოდში გაწეულ CapEx-ს უტოლდება. შესაბამისად, დამატებითი ვალის მოზიდვა საჭირო გახდა როგორც სესხის ძირის დასაფარად, ისე M&A აქტივობის, დივიდენდების და დაკავშირებულ მხარეებზე გაცემული სესხების დასაფინანსებლად.
💰 2021-25 წლებში ჯამურად ₾134 მილიონი გაიცა დივიდენდის სახით, აქედან ₾44 მილიონი 2025 წელს.
📊 2025 წლის ძირითადი მაჩვენებლები:
- შემოსავალი: ₾1.72 მილიარდი (+5% წ/წ)
- საერთო მოგების მარჟა: 19.4%
- საოპერაციო მოგების მარჟა: 8.5%
- EBITDA მარჟა: 10.2%
- წმინდა მოგების მარჟა: 4.7%
- მთლიანი სესხები / აქტივები: 47%
- მთლიანი სესხები / EBITDA: 2.9x
- ამონაგები ჩადებულ კაპიტალზე (Return on Invested Capital): 19.0%
