ომპანია 1884 წელს დავით სარაჯიშვილმა დააფუძნა, საბჭოთა პერიოდში ის სახელმწიფო საკუთრებაში გადავიდა და "თბილისის კონიაკის ქარხანა" ეწოდა, 1994 წელს კი კერძო მფლობელობაში დაბრუნდა. ჯგუფი 60-მდე დასახელების პროდუქციას აწარმოებს, "სარაჯიშვილთან" ერთად ბრენდებით "ივერიონი", "ერისთავი", "ქართველი", "ტიხარი" და "გრუზინსკი". კომპანია 18 საექსპორტო ქვეყანაშია წარმოდგენილი და ადგილობრივ ბაზარზე ღვინის ბრენდის გაყიდვებით პირველ ადგილს იკავებს.
📑 2024 წელს შემოსავალმა ₾55.7 მილიონი შეადგინა (+35.4% წ/წ), რაც ბოლო ექვსი წლის მაქსიმუმია.
📑 ექსპორტი ₾35.4 მილიონამდე გაიზარდა (+39.7% წ/წ), თუმცა კვლავ 2019 და 2021 წლების დონეზე დაბალია (2019: ₾36.6 მლნ; 2021: ₾38.0 მლნ). ადგილობრივი გაყიდვები კი ოთხ წელიწადში ₾6.0 მილიონიდან ₾20.2 მილიონამდე, ანუ 3.3-ჯერ გაიზარდა. ბოლო წლების ზრდა ძირითადად ადგილობრივმა ბაზარმა უზრუნველყო, ექსპორტი კი ჯერ კიდევ რუსეთ-უკრაინის ომამდელ დონეს უბრუნდება.
📑 ადგილობრივ ბაზარზე ზრდის მთავარი ბერკეტი სარეკლამო ხარჯი იყო. 2024 წელს მარკეტინგულმა დანახარჯებმა ₾4.1 მილიონი შეადგინა (2023: ₾2.0 მლნ; 2022: ₾667 ათასი), ანუ ორ წელიწადში 6.2-ჯერ გაიზარდა და შემოსავლის 7.4% შეადგინა.
📑 საერთო მოგების მარჟა წლების განმავლობაში სტაბილური იყო და 2024 წელს 54.7% შეადგინა. EBITDA ₾16.6 მილიონამდე გაიზარდა (+42% წ/წ), EBITDA მარჟამ კი 29.9% შეადგინა. წმინდა მოგებამ ₾12.7 მილიონი შეადგინა (მარჟა: 22.8%), ROAE კი 15.8%.
📑 ექსპორტი ფორმალურად 18 ქვეყანაზე ნაწილდება, თუმცა ფაქტობრივად ხუთ ბაზარზეა კონცენტრირებული: რუსეთი, ბელარუსი, ყაზახეთი, უკრაინა და ისრაელი ერთად საექსპორტო შემოსავლის 90%-ს ქმნიან, რაც ჯგუფის მთლიანი შემოსავლის 57%-ია. მხოლოდ რუსეთზე ექსპორტის 46% მოდის, ანუ კომპანიის მთლიანი შემოსავლის დაახლოებით 29%.
📑 მარაგების ბრუნვის პერიოდი 695 დღეს, ანუ თითქმის ორ წელს შეადგენს. ბრენდის დაძველების ტექნოლოგიისთვის ეს ბუნებრივია, თუმცა ნიშნავს, რომ კომპანიის კაპიტალის დიდი ნაწილი გრძელვადიან საწყობშია ჩაკეტილი. ლევერიჯი დაბალია (Net Debt/EBITDA: 0.82x), მიმდინარე ლიკვიდურობა კი 4.2x.
💰 2024 წელს დივიდენდებად ₾8.2 მილიონი გაიცა, 2019-24 წლებში კი ჯამში ₾36.7 მილიონი. საანგარიშგებო პერიოდის შემდეგ დამატებით ₾6.3 მილიონის დივიდენდი გამოცხადდა.
📊 2024 წლის ძირითადი მაჩვენებლები:
- შემოსავალი: ₾55.7 მლნ (+35.4% წ/წ; 2019-24 CAGR: 4.6%)
- ექსპორტის წილი: 63.7% (18 ქვეყანა; აქედან რუსეთზე ექსპორტის 46% მოდის)
- საერთო მოგების მარჟა: 54.7% (2023: 54.2%)
- EBITDA: ₾16.6 მლნ (მარჟა: 29.9%)
- წმინდა მოგება: ₾12.7 მლნ (მარჟა: 22.8%)
- ROAE: 15.8% (2023: 9.9%)
- Net Debt/EBITDA: 0.82x (2023: 1.13x)
- მარაგები: ₾51.6 მლნ (აქტივების 46%; ბრუნვა: 695 დღე)
- დივიდენდი: ₾8.2 მლნ; 2019-24 ჯამში: ₾36.7 მლნ
