აშეა და სავაჭრო ობიექტების რაოდენობით ქვეყნის ყველაზე მრავალრიცხოვან ქსელს წარმოადგენს. კომპანია ოპერირებს "ნიკორა სუპერმარკეტისა" და „ლიბრეს" ბრენდებით. ქსელი 2000 წელს გამოჩნდა და გაიზარდა როგორც ორგანულად, ისე შესყიდვების გზით (მათ შორის "სანდეი", "ველესი", "ლიბრე" და "ნუგეშის" ქსელები). კომპანიას ასევე აქვს საკუთარი სავაჭრო ნიშნის (private label) ბრენდები: Tomato, Ambri, №1 და Bonna.
📑 ბოლო 5 წელში შემოსავლები 2.7-ჯერ გაიზარდა და 2025 წელს ₾1.43 მილიარდი შეადგინა (CAGR: 22%; +10% წ/წ). შემოსავლის 57.9% საკვებ პროდუქციაზე მოდის, 42.1% კი არასაკვებზე. შემოსავლის ზრდას ძირითადად ქსელის გაფართოება განაპირობებს, რასაც ემატება same-store გაყიდვების ზრდა (სასურსათო ინფლაციისა და ვაჭრობის ტრადიციული ფორმატებიდან ორგანიზებული საცალო რითეილისკენ სტრუქტურული გადანაცვლების ფონზე). კომპანიამ 5 წელში 329 ახალი მაღაზია დაამატა და 2025 წლის ბოლოს 674 მაღაზიით ოპერირებდა.
🔓 "ნიკორა ტრეიდს" აქვს მასშტაბი, მაღალი ზრდის ტემპი და სექტორისთვის დამახასიათებელი უარყოფითი ფულის ამოღების ციკლი (-11 დღე). თუმცა აგრესიული ზრდის ფონზე კომპანიის მომგებიანობა შესუსტდა, რაც განსაკუთრებით მკაფიოდ აისახა 2025 წლის მაჩვენებლებზე: EBITDA მარჟა 2023 წლის 8.5%-დან 5.5%-მდე ჩამოვიდა, საოპერაციო მოგების მარჟა კი 4.1%-დან 0.9%-მდე შემცირდა; წმინდა მოგება კი ფაქტობრივად ნულოვანი იყო.
📑 მომგებიანობის შემცირება ორი ძირითადი ფაქტორით შეიძლება აიხსნას:
(1) საოპერაციო დონეზე წნეხი იყო პირველ რიგში საერთო მოგების მარჟის შემცირებიდან გამომდინარე. 2025 წელს საერთო მოგების მარჟა 23.4% მდე შემცირდა (2024: 25.3%), რისი ძირითადი მიზეზიც დანაკლისისა და ვადაგასული პროდუქციის ჩამოწერების ზრდა იყო ₾42.9 მილიონამდე, ანუ შემოსავლის 3.0%-მდე (2024: ₾25.8 მლნ / 2.0%).
(2) შემცირებულ საოპერაციო მოგებასთან ერთად ნეგატიური გავლენა იქონია გაზრდილმა საპროცენტო ხარჯმაც. 2025 წელს EBIT / ფინანსური ხარჯი 0.6x-მდე შემცირდა, ანუ საოპერაციო მოგება ფინანსურ ხარჯს ვეღარ ფარავდა. შედეგად, წლის წმინდა მოგება ფაქტობრივად ნულოვანი იყო.
📑 კომპანიის ლევერიჯის გაზრდა ძირითადად განაპირობა ₾60 მილიონიანმა ობლიგაციების გამოშვებამ და ₾94 მილიონის საბანკო სესხის აღებამ (₾64 მილიონის სესხის დაფარვის პარალელურად). შედეგად, ფინანსურმა ვალმა (სესხები + ობლიგაციები) ₾155.9 მილიონს მიაღწია (2024: ₾64.9 მლნ). იჯარების ჩათვლით კი მთლიანი ვალი ₾346 მილიონამდე გაიზარდა. შედეგად, Net Debt / EBITDA 3.4x-მდე ავიდა (2024: 2.3x).
📑 სესხებისა და საიჯარო ვალდებულებების ტვირთი კარგად ჩანს ფულად ნაკადებშიც. 2025 წელს წმინდა საოპერაციო ფულადმა ნაკადმა ₾56 მილიონი* შეადგინა, CapEx-მა ₾40 მილიონი, რის შემდეგაც კომპანიას ~₾18 მილიონი დარჩა. ეს არ ჰყოფნიდა ₾33 მლნ საიჯარო ვალდებულების ძირის დაფარვას, და არც ₾8 მილიონი დივიდენდის განაწილებას. შესაბამისად, 2025 წლის დივიდენდები და წლის ბოლოს გაზრდილი ფულადი ნაშთი ფაქტობრივად ახალი ვალით დაფინანსდა.
💰 2023-25 წლებში მფლობელებზე ჯამურად ₾19.9 მილიონი განაწილდა (მათ შორის ₾8.1 მილიონი 2025 წელს), ხოლო საანგარიშო თარიღის შემდეგ დამატებით ₾9.9 მილიონი გამოცხადდა.
📊 2025 წლის ძირითადი მაჩვენებლები:
- შემოსავალი: ₾1.43 მილიარდი (+10% წ/წ)
- საერთო მოგების მარჟა: 23.4%
- საოპერაციო მოგების მარჟა: 0.9%
- EBITDA მარჟა: 5.5%
- წმინდა მოგების მარჟა: ~0% (₾0.2 მლნ ზარალი)
- სესხები + ობლიგაციები: ₾155.9 მილიონი (2024: ₾64.9 მლნ)
- მთლიანი ვალი (იჯარების ჩათვლით): ₾346.3 მილიონი
- Total Debt / EBITDA: 4.4x (2024: 2.5x)
- ფული და ეკვივალენტები: ₾80.3 მილიონი (2024: ₾17.4 მლნ)
- CapEx / შემოსავალი (საშ. 2020-25): ~4%
- მაღაზიების რაოდენობა: 674
- დივიდენდები 2023-25 ჯამურად: ₾19.9 მილიონი
*წმინდა საოპერაციო ფულადი ნაკადების მოცულობა იანგარიშება, როგორც ფულადი ნაკადები საოპერაციო საქმიანობიდან მინუს გადახდილი პროცენტი (სესხები/ობლიგაციები + საიჯარო).
