/
გავეცნოთ უმხსვილესი* სუპერმარკეტების ქსელების 2022 წლის ფინანსურ მაჩვენებლებს:
სს “ნიკორა ტრეიდი” (Nikora • ნიკორა)
შპს “ორი ნაბიჯი” (2 Nabiji • 2 ნაბიჯი)
შპს “მაჯიდ ალ ფუტაიმ ჰიპერმარკეტს ჯორჯია” (Carrefour • კარფური)
შპს “რითეილ ჯგუფი” (Magniti • მაგნიტი)
*შპს “ფუდმარტს” (სპარი / იოლი) ჯერ არ აქვს 2022 წლის ფინანსური შედგები გამოქვეყნებული და ამიტომ არ არის ამ ანალიზში შეყვანილი.
FMCG საცალო ვაჭრობის წამყვანი მოთამაშეები ქვეყნის უმსხვილეს კომპანიებს შორის ხვდებიან შემოსავლების მიხედვით.
დიდი კონკურენციის მიუხედავად, სექტორი საკმაოდ სწრაფად იზრდება. წარმოდგენილი 4 კომპანიის შემოსავლებმა ჯამურად ₾3 მილიარდს გადააჭარბა 2022 წელს, რაც წინა წელთან შედარებით 37%-იან ზრდას წარმოადგენს (დათვლილი საშუალო შეწონილით).
საინტერესოა რომ მზარდი კონკურენციის ფონზე, კომპანიები მაინც ახერხებენ საერთო მოგების მარჟების (gross profit margin) არათუ შენარჩუნებას, არამედ ზრდასაც. ბოლო 3 წლის ჭრილში თუ შევხედავთ (2019-2022), ოთხივე კომპანიას გროს მარჟა გაზრდილი აქვს მინიმუმ 1 პროცენტული პუნქტით და კომპანიების მომგებიანობის მაჩვენებლებიც ერთ-ერთი საუკეთესო იყო 2022 წელს.
კომპანიების ფინანსური ანალიზისთვის გამოვიყენებთ 2022 წლის მონაცემებს.
“ნიკორა” უმსხვილესი საცალო ვაჭრობის მაღაზიათა ქსელია საქართველოში, რომელიც “ნიკორა სუპერმარკეტის” და “ლიბრეს” (Libre) ბრენდებით ოპერირებს და რომლის წლიურმა ბრუნვამაც ₾895 მილიონი შეადგინა 2022 წელს. FMCG სექტორში მეორე უმსხვილესი მოთამაშეა “2 ნაბიჯი”, რომლის შემოსავლებიც მხოლოდ 2%-ით ჩამოუვარდება “ნიკორას” შემოსავლებს.
ადვილად შესამჩნევია, რომ ყველაზე დაბალი საერთო მოგების მარჟების მქონე კომპანიებს (“2 ნაბიჯი“ და “მაგნიტი“), ყველაზე სწრაფი ზრდის ტემპიც აქვთ. ყველაზე მაღალი გროს მარჟა კი “ნიკორას” აქვს.
კომპანიების საოპერაციო ხარჯების წილი შემოსავლებში 18%-21%-ის ფარგლებში მერყეობს. გამონაკლისია “2 ნაბიჯი”, რომელსაც კონკურენტებზე მნიშვნელოვნად დაბალი საოპერაციო ხარჯების წილი აქვს შემოსავლებში (12%), რაც კომპანიის ყველაზე მაღალ-მომგებიანობასაც განაპირობებს.
FMCG სექტორში კომპანიები საბრუნავ კაპიტალს მომწოდებლების მეშვეობით აფინანსებენ. “ნიკორას” მაგალითი რომ ავიღოთ, კომპანია მარაგებს საშუალოდ 45 დღეში ყიდის, ფულს თითქმის იმავე დღეს იღებს მყიდველებისგან, მაგრამ მომწოდებლებს თანხას უხდის მხოლოდ 67 დღეში. შესაბამისად, დაახლოებით 22 დღე აქვს შესაძლებლობა “უფასო ფულით” შეისყიდოს და შეავსოს მარაგები. მსგავსი პრინციპით მოქმედებენ სხვა სავაჭრო ქსელებიც.
მომგებიანობის მიხედვით (საოპერაციო მოგების მარჟა, EBITDA მარჟა, etc.), ყველაზე დაბალი მაჩვენებლები “კარფურს” და “მაგნიტს” აქვთ, ყველაზე მაღალი კი – “2 ნაბიჯს“. ეს უკანასკნელი დაბალი საერთო მოგების მარჟებით ოპერირებს, მაგრამ საოპერაციო ხარჯების ოპტიმიზაციით და საბრუნავი კაპიტალის ყველაზე ეფექტური მართვით გადის მაღალ მომგებიანობაზე. “მაგნიტიც” დაბალი გროს მარჟებით ოპერირებს და ასე ახერხებს ბაზრის წილის ზრდას, თუმცა პროპორციულად მაღალი საოპერაციო ხარჯების პირობებში, კონკურენტებთან შედარებით ნაკლებმომგებიანია.
2019-2022 წლებში დივიდენდი გაცემული აქვს მხოლოდ “2 ნაბიჯს“, რომელმაც კუმულატიურად ₾89 მილიონი გასცა მფლობელებზე:
კომპანიების მფლობელები:
Nikora Supermarket • ნიკორა სუპერმარკეტი:
კომპანიის მფლობელები:
– სს “ნიკორა”: 96.94%
*სს “ნიკორას” მფლობელები:
– სუხიაშვილი ვასილ: 25.0%
– გუბანოვი ოლეგ: 17.0%
– დუმბაძე დავით: 11.0%
– ცირეკიძე თალიკო: 10.0%
– ტარადინი ვასილ: 9.0%
– სალუქვაძე მაკა: 7.0%
– ცერცვაძე გურამ: 5.0%
– ნიკოლაიშვილი ირაკლი: 3.0%
– სუხიაშვილი ნიკა: 3.0%
– სუხიაშვილი სოფო: 3.0%
– ტარადინი გლებ: 2.0%
– ტარადინი დემენტი: 2.0%
– ტარადინი დენის: 2.0%
—–
2 ნაბიჯი • 2 Nabiji:
კომპანიის მფლობელები:
– გოჩა ცქიტიშვილი: 33.34%
– გიორგი ჩხეიძე: 33.33%
– კახი ბექაური: 33.33%
—–
Carrefour Georgia:
კომპანიის მფლობელი:
– შპს “Majid Al Futtaim Hypermarkets”: 100%
* დუბაიში დაფუძნებული კომპანიაა, რომელიც ფლობს Carrefour-ის ექსკლუზიურ ფრენჩიზის უფლებას შუა აღმოსავლეთის, აზიის და აფრიკის 30-ზე მეტ ქვეყანაში.
—–
მაგნიტი • Magniti:
კომპანიის საბოლოო მაკონტროლებელი პირები (შპს Mixori-ს გავლით):
– ცეზარ ჩოჩელი
– იზოლდა ჩარიგოგდიშვილი
*კომპანიის უშუალო მფლობელები:
– შპს “ქისთოუნ ინვესთმენთს”: 30.00%
– შპს “დოლნეი ქენსალთენთს”: 26.67%
– შპს “ჯიბისი ინვესტი”: 20.04%
– შპს “გუდ ფროდაქთს”: 13.33%
– შპს “რითეილ ინვესთმენთს”: 9.96%