სუპერი

ით ყიდის. ქსელი 2024 წლის ბოლოს 11 ფიზიკურ და ერთ ონლაინმაღაზიას, და 330 თანამშრომელს აერთიანებდა. მფლობელები: ივანე ხაზარაძე 51%, ეთერ ბუაჩიძე 13.6%, მორის რუთხრინგი 12%, გიორგი ქიქოძე 8%, ნინო ქიქოძე 8% და მაია გიორგობიანი 7.4%.

🎯 მასშტაბის გათვალისწინებით, კომპანიას მაღალი ზრდისა და მომგებიანობის მაჩვენებლები აქვს. 2019-24 წლებში შემოსავალი 68%-ით გაიზარდა, 2023-24 წლების საშუალო EBITDA მარჟა 23.7% იყო. 2020 წლის ზარალის შემდეგ ოთხივე წელი მომგებიანი იყო, თუმცა დივიდენდები თავისუფალ ფულად ნაკადს აღემატებოდა.

📈 2024 წელს შემოსავალი ₾65.1 მლნ იყო (+6.7% წ/წ). ფიზიკური მაღაზიების რაოდენობა 2023 წლის 16-დან 11-მდე შემცირდა. ფიზიკური ქსელის შემცირების მიუხედავად, კომპანიის მთლიანი შემოსავალი გაიზარდა. შესაბამისად, თითოეულ ფიზიკურ ფილიალზე პირობითი საშუალო შემოსავალი ₾3.8 მილიონიდან ₾5.9 მილიონამდე გაიზარდა (დაანგარიშებულია ფიზიკური მაღაზიების რაოდენობაზე დაყრდნობით).

📑 შემოსავლების 6.7%-იანი ზრდის მიუხედავად, EBITDA ₾14.9 მლნ-ზე დარჩა. EBITDA მარჟა 22.9% იყო (2023: 24.5%). ცვლილებაზე იმოქმედა: (1) საერთო მოგების მარჟა 44.5%-დან 42.9%-მდე შემცირდა; (2) საოპერაციო ხარჯები 10.8%-ით გაიზარდა; (3) სხვა საოპერაციო შემოსავალი 49%-ით, ₾2.3 მილიონამდე გაიზარდა და ზეწოლა ნაწილობრივ შეარბილა. 2024 წლის ანგარიშგებაში სხვა საოპერაციო შემოსავლის ჩაშლა არ არის მოცემული. Super-ის EBITDA მარჟა finSPOT-ის "სათამაშოები და მრავალპროფილური მაღაზიები" ჯგუფის 10.2%-იან საშუალო შეწონილ მაჩვენებელზე დაახლოებით 2.2-ჯერ მაღალია, თუმცა პირდაპირი შესადარისი კომპანია არ არსებობს და შედარება მხოლოდ საორიენტაციოა.

💵 2020-24 წლებში საოპერაციო ფულადი ნაკადი ₾10.8 მლნ, CapEx ₾3.0 მლნ და თავისუფალი ფულადი ნაკადი (FCFF) ₾7.8 მლნ იყო. ₾8.6 მლნ საპროცენტო ხარჯის შემდეგ თავისუფალი ფულადი ნაკადი (FCF) -₾0.8 მლნ იყო. ამავე პერიოდში ჯამურმა წმინდა მოგებამ ₾21.3 მლნ შეადგინა, თუმცა მარაგები ₾17.5 მილიონით გაიზარდა, რაც მიუთითებს, რომ მოგების ფულად გარდაქმნას საბრუნავი კაპიტალის საჭიროება ზღუდავს.

💰 2024 წელს ₾2.6 მლნ დივიდენდი გაიცა. 2020-24 წლებში დივიდენდებმა კი ჯამურად ₾5.3 მლნ შეადგინა, FCF კი -₾0.8 მლნ იყო. სესხებიდან წმინდა შემოდინება ₾6.2 მლნ იყო, ფულის ნაშთი კი ₾1.3 მილიონიდან ₾0.9 მილიონამდე შემცირდა. ფაქტობრივად დივიდენდები სესხითა და ბალანსზე არსებული ფულით დაფინანსდა.

🏦 მთლიანი ვალი, საიჯარო ვალდებულებებით, ₾20.6 მლნ იყო, აქტივების 38.4%. წმინდა ვალი ₾19.7 მლნ, Net Debt/EBITDA 1.32x, მიმდინარე ლიკვიდურობა კი 1.84x იყო. მიმდინარე აქტივების 92% მარაგებია, რომლის ბრუნვის პერიოდიც 250-დან 292 დღემდე გაიზარდა. აქტივები სესხებს უზრუნველყოფს, წლის შემდეგ კი კომპანიამ ₾5.0 მლნ გრძელვადიანი სესხი აითვისა. ლევერიჯი ზომიერია, თუმცა ლიკვიდურობის ხარისხი მარაგების რეალიზაციაზეა დამოკიდებული.

📊 2024 წლის ძირითადი მაჩვენებლები:
- შემოსავალი: ₾65.1 მლნ (+6.7% წ/წ)
- მაღაზიების რაოდენობა: 11 + ონლაინმაღაზია (2023: 16 + ონლაინმაღაზია)
- საერთო მოგების მარჟა: 42.9%
- საოპერაციო მოგების მარჟა: 16.8%
- EBITDA: ₾14.9 მლნ
- EBITDA მარჟა: 22.9%
- წმინდა მოგება: ₾6.8 მლნ (მარჟა: 10.5%)
- დივიდენდი: ₾2.6 მლნ (2020-24: ₾5.3 მლნ)